Rusiyanın Murmansk vilayətində Rusiya Hərbi Hava Qüvvələrinə məxsus MiQ-31 tipli döyüş təyyarəsi qəzaya uğrayıb. İki pilot təyyarə qəzaya uğramazdan əvvəl özlərini təyyarədən atsalar da, qəza nəticəsində ölən və yaralanan olmayıb. Rusiya Müdafiə Nazirliyindən verilən açıqlamada, “Murmansk bölgəsində planlaşdırılmış təlim uçuşu zamanı MiQ-31 qırıcı təyyarəsi qəzaya uğrayıb. Təyyarə insanların olmadığı yerə çırpılıb. 2 pilot atma oturacağından istifadə edərək paraşütlə xilas olub. Axtarış-xilasetmə helikopterləri pilotları olduqları yerdən çıxararaq təxliyyə ediblər”.

Təyyarənin hansı səbəbdən qəzaya uğradığı hələ məlum olmasa da, qəza ilə bağlı araşdırma başladılıb. Ətrafdakıların lentə aldığı görüntülərdə qırıcı təyyarənin qəzaya uğramazdan əvvəl alovlandığı görülüb.

Saytların yığılması