Səfirliyin müşaviri: “Azərbaycan və Belarus arasında əməkdaşlıq hər zaman yüksək səviyyədə olub”
![Elçin Xəlilov: “Azərbaycan Ordusunda kadr potensialının proqnozlaşdırılması və planlaşdırılması düzgün aparılıb”](https://www.az24saat.org/wp-content/uploads/2023/10/Elcin-Xəlilov-Azərbaycan-Ordusunda-kadr-potensialinin-proqnozlasdirilmasi-və-planlasdirilmasi-duzgun.webp-780x470.webp)
“Azərbaycan və Belarus arasında əməkdaşlıq hər zaman yüksək səviyyədə olub”.
“Report” xəbər verir ki, bunu Belarusun Azərbaycandakı səfirliyinin ticarət və iqtisadi məsələlər üzrə müşaviri Tatyana Zubritskaya “Azərbaycan-Belarus: investisiyalar, ticarət və logistika” seminarının açılışında deyib.
Onun sözlərinə görə, heç bir geosiyasi çağırış ölkələr arasında əməkdaşlığa təsir göstərə bilməz: “İki ölkənin dövlət başçıları arasındakı münasibətlər əməkdaşlığımız üçün nümunədir. İqtisadi göstəricilər bizim sıx əlaqələrimizin əyani sübutudur. Azərbaycan Gömrük Komitəsinin bu ilin 9 ayının yekunlarına əsasən verdiyi məlumata görə, Belarus idxalda 13-cü, xarici ticarət dövriyyəsində isə 26-cı tərəfdaş ölkədir”.
Səfirliyin müşaviri bugünkü tədbirin ikitərəfli münasibətlərin keyfiyyətcə yeni səviyyəyə yüksəldilməsi üçün əməli addım olacağını vurğulayıb.
T.Zubritskaya Azərbaycanın işğaldan azad edilmiş ərazilərinin bərpasında Belarusun rolundan da danışıb: “Hazırda bizim vəzifəmiz infrastruktur obyektlərinin yenidən qurulması üçün lazım olan məhsulların tədarüküdür. Amma biz bu torpaqlarda layihəndirmə və tikinti sahələrində layihələrin həyata keçirilməsində maraqlıyıq”.
Mənbə:Report