“Valideynlərə çağırış edirəm ki, övladlarınızı vaxtında peyvənd təqviminə uyğun şəkildə vaksinasiyadan keçirin”.

Toplum TV “Report”a istinadən xəbər verir ki, bunu dekabrın 6-da Səhiyyə Nazirliyinin mütəxəssis-eksperti, infeksionist Təyyar Eyvazov qızılca ilə bağlı danışarkən deyib.

Onun sözlərinə görə, peyvənd nəticəsində qızılcaya yoluxmanın sayında kifayət qədər azalma olub və peyvənd kifayət qədər effektivdir.

Saytların yığılması

Bu gün həmçinin məlum olub ki, ölkə məktəblərində qızılcaya qarşı profilaktik tədbirlər başlayıb.

Belə ki, məktəblərdə qızılca səbəbindən şagirdlərin temperaturları ölçülür. Şagirdlərlə qızılca xəstəliyi mövzusunda maarifləndirici söhbətlər aparılır, şagirdlərə şəxsi gigiyenalarına xüsusi diqqət vermək tövsiyə olunur.