Şoyqunun özü elan edib: İyunun 4-dən bəri 26 mindən çox Ukrayna əsgəri həlak olub
2023-07-12 16:00:27
Rusiyanın müdafiə naziri Sergey Şoyqu Rusiya Tatarıstan Respublikasında müdafiə sənayesi müəssisələrini yoxlayıb. Modernləşdirilmiş Mi-24 tipli hərbi helikopterlərlə yanaşı zirehli döyüş maşınlarını da yoxlayan Şoyqu Ukraynadakı vəziyyətlə bağlı açıqlamalar verib.
Ukraynanın ötən ay əks-hücumlara başladığını, lakin bu hücumların dəf edildiyini bildirən Şoyqu, Ukraynanın hücumlara başladığı 4 iyundan bu yana 26 min əsgər itirdiyini bildirib.
Ukraynanın da 3 mindən çox hərbi texnika itirdiyini açıqlayan Şoyqu, “Ukraynaya aid 21 təyyarə, 5 helikopter, 1244 tank və zirehli texnika məhv edilib” dedi. Sergey Şoyqu həmçinin bildirib ki, Ukraynaya məxsus 914 xüsusi hərbi texnika, 2 hava hücumundan müdafiə sistemi, 25 reaktiv yaylım atəş sistemi, 176 HIMARS raketi, 27 “Storm Shadow” raketi və 483 pilotsuz uçuş aparatı məhv edilib.
Tərcümə“24 SAAT”
