class=”mediyanet-inline-adv”>

Cənubi Asiya ölkəsi Şri-Lanka bir həftədir davam edən güclü musson yağışları ilə mübarizə aparır. Paytaxt Kolombodan təxminən 130 kilometr cənubda, leysan yağışların vurduğu Galle bölgəsində torpaq sürüşməsi baş verib. Şiddətli yağış səbəbindən bəzi bölgələrdə məktəblər bağlansa da, bölgədə sel və ağacların aşması da baş verib. Şri-Lanka rəsmiləri torpaq sürüşməsi nəticəsində 6 nəfərin öldüyünü açıqlayıb. Səlahiyyətlilər, Galle bölgəsində baş verən sürüşmə zamanı ağacın hərəkətdə olan avtobusun üzərinə aşması nəticəsində 5 nəfərin, 1 nəfərin isə evinin üzərinə daş düşməsi nəticəsində öldüyünü açıqlayıb. Avtobusun üzərinə ağacın aşması nəticəsində 5 nəfərin xəsarət aldığı da bildirilib. Fəlakətlərin İdarə Edilməsi Mərkəzi 12 rayonda daşqın və sürüşmə nəticəsində yüzlərlə evə ziyan vurduğunu, 1473 ailənin müvəqqəti sığınacaqlara yerləşdirildiyini, 50 mindən çox insanın zərər çəkdiyini açıqlayıb.