Taliban qız tələbələrin Dubaya getməsinə mane olub
2023-08-28 04:54:17
class=”mediyanet-inline-adv”>
Dubay Universiteti ilə birlikdə qadınların təhsil xərclərini üzərinə götürən iş adamı Xələf Əhməd Əl Habtur Dubaya getmək üçün hava limanında gözləyən əfqan tələbələrdən yalnız üçünün BƏƏ-yə çata bildiyini açıqlayıb. El Habtur sosial media hesabında yayımladığı video ilə yerdə qalan tələbələr üçün beynəlxalq ictimaiyyətdən kömək istəyib. Videoda hava limanında dayanan əfqan qadın deyib: “Hazırda hava limanındayıq, amma təəssüf ki, hökumət Dubaya getməyimizə icazə vermir. Zəhmət olmasa bizə köməklik edin” sözləri də yer alıb. Ötən il elan edilən təqaüd çərçivəsində indiyədək 100 əfqan qadın BƏƏ-də təhsil almaq hüququ qazanıb.
Taliban təxminən bir il əvvəl universitetləri və liseyləri qız tələbələr üçün bağlayıb və ötən ay bəzi bölgələrdə məktəblərdə 10 yaş məhdudiyyəti tətbiq edilib.
Tərcümə“24 SAAT”