Tarix müəyyənləşib… Lavrov Şimali Koreyaya səfər edəcək
class=”mediyanet-inline-adv”>
Şimali Koreyanın Rusiyaya hərbi ləvazimat verməsi iddiaları təzə qalsa da, Rusiyanın xarici işlər naziri Sergey Lavrovun oktyabrın 18-19-da Şimali Koreyaya rəsmi səfər edəcəyi açıqlanıb. Şimali Koreya Xarici İşlər Nazirliyinin dəvəti ilə baş tutacaq səfərlə bağlı ətraflı məlumat paylaşılmayıb. Rusiya prezidenti Vladimir Putinin Şimali Koreyaya səfəri və ikitərəfli əlaqələrin inkişafı ilə bağlı təmaslar edəcəyi gözlənilən Lavrovun Şimali Koreyalı həmkarı Ço Son-hui ilə də görüşə biləcəyi bildirilir.
Ötən ay Rusiyaya səfər edən Şimali Koreya lideri Kim Çen In Rusiya prezidenti Vladimir Putinlə ikitərəfli və heyətlərarası görüşlər keçirib. İddia edilib ki, strateji əməkdaşlığı inkişaf etdirmək barədə razılığa gələn ikili Moskvanın Pxenyana peyk və nüvə sualtı qayıqları göndərməsi müqabilində Şimali Koreyanın Rusiyaya artilleriya mərmiləri və tank əleyhinə raketlər vermə planını müzakirə ediblər.
class=”mediyanet-inline-adv”>
Ağ Evdən verilən açıqlamada Şimali Koreyanın 7 sentyabr – 1 oktyabr tarixləri arasında Rusiyaya min konteynerdən çox hərbi texnika və sursat göndərdiyi qeyd edilib.
2023-10-16 14:27:44
Tərcümə“24 SAAT”