Loading...
Loading...
Siyasət

Türkiyə niyə Finlandiya və İsveçin NATO üzvlüyünə mane olur?

Türkiyə prezidenti Recep Tayyip Erdoğan bu iki ölkəni terrorizmi dəstəkləməkdə ittiham edir
Türkiyə Finlandiya və İsveçin NATO üzvlüyünə dair danışıqlarının başlanmasını bloklayıb.
Hazırda Türkiyə bu iki Avropa ölkəsinin şimal alyansına üzvlüyünə etiraz edən yeganə NATO üzvüdür.
NATO-nun Nizamnaməsinə görə bu təşkilata üzvlük üçün bütün müttəfiqlərin razılığı zəruridir.
Türkiyə prezidenti Recep Tayyip Erdoğan bu iki ölkəni terrorizmi dəstəkləməkdə ittiham edir.
Erdoğan bildirib ki, İsveç və Filandiya Kürdüstan İşçi Partiyası – PKK-nın üzvlərini, habelə müsəlman vaiz Fethullah Gülenin davamçılarını Ankaraya ekstradisiya etməkdən boyun qaçırır.
Erdoğan mayın 19-da ritorikasını bir az da sərtləşdirib:
“Biz razı ola bilmərik ki, Türkiyəyə sanksiyalar qoyan ölkələr NATO-ya qoşulsunlar. Onda NATO təhlükəsizlik təşkilatı yox, terrorçu təşkilat nümayəndələrinin toplandığı bir yer olardı”.

Türkiyə üçün həssas məsələ
Beynəlxalq Təhqiqatlar Mərkəzinin direktoru, Odessa Milli Universiteti beynəlxalq əlaqələr kafedrasının müdiri Vladimir Dubovik Türkiyənin Finlandiya və İsveçin NATO üzvlüyünə niyə mane olmasının səbəbləri barədə danışıb.
O CurrentTime saytına müsahibəsində deyib ki, bu məsələ Türkiyə üçün çox mühümdür:
“Bu məsələlər Türkiyə üçün birmənalı şəkildə mühümdür. Amma biz inanmırıq ki, Türkiyə həqiqətən də İsveç və Finlandiyanın NATO-ya qoşulmasına maneçilik törədəcək. İnanırıq ki, bu məsələdə kompromis tapılacaq. Ümumiyyətlə, maraqlıdır ki, NATO və Avropa İttifaqının liberal olmayan üzvləri öz maraqları naminə demokratik hüquqi prosedur mexanizmlərindən faydalanırlar. Məsələn hazırda Macarıstan Avropa İttifaqının Rusiya neftinə embarqo qoymasına qarşıdır. İndi isə Türkiyə İsveç və Finlandıiyanın NATO-ya qoşulmaq niyyətinə mane olur”.
Bununla belə ekspert hesab edir ki, kürd separatçılığı Türkiyə üçün son dərəcə həssas məsələdir:
“Buna görə də Finlandiya və İsveçin Kürdüstanın İşçi Partiyasını terrorçu təşkilat hesab etməməsinin özü Ankara üçün ağrılıdır…Digər tərəfdən İsveç və Finlandiya insan haqları məsələsinə çox həssas yanaşırlar. Bu iki ölkə həm də müəyyən silahların Türkiyəyə ixrac olunmaslına blok qoyub”.

Türkiyə NATO-nun mühüm üzvüdür
Professor Dubovik bildirir ki, Ankaranın bu məsələdəki mövqeyini sərtləşdirən həm də elə ABŞ tərəfindən Türkiyəyə sanksiyaların qoyulmasıdır.
ABŞ Türkiyə üzərinə sanksiyaları Ankaranın Rusiyadan S-400 raket sistemləri aldığına görə qoyub.
Bundan başqa Türkiyə ABŞ-ın təkmil F-35 qırıcı təyyarələr proqramından çıxarılıb:
“Odur ki, burda söhbət kompleks problemlərdən gedir və Erdoğan hazırda bu məqamdan fürsətlənərək bu problemləri həll etməyə çalışır. Ümid onadır ki, hər halda razılıq əldə olunacaq”.

24 saat” “
Türkiyə niyə Finlandiya və İsveçin NATO üzvlüyünə mane olur?
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  ‘Putinə yaxın’ keçmiş Almaniya kanslerinin ofisi əlindən alınır

This site uses Akismet to reduce spam. Learn how your comment data is processed.

Back to top button