Yüzlərlə şəxs işsiz qalacaq – MTN sürprizi
Mədəniyyət və Turizm Nazirliyindən (MTN) əməkdaşlarına yeni il sürprizi
Rayonlardakı mədəniyyət şöbələri ləğv edilir
Yeni ilin ilk aylarından etibarən Mədəniyyət və Turizm Nazirliyi rayonlardakı mədəniyyət şöbələrinin ləğvinə start verəcək.
Bu barədə 24saat.org-u özəl mənbə məlumatlandırıb. Mənbənin sözlərinə görə, ləğv edilən mədəniyyət şöbələrinin əvəzinə 15 mədəniyyət idarəsinin yaradılması nəzərdə tutulur ki, bu idarələr regional səviyyəli qurumlar olacaq. Aparılan məlum islahat nəticəsində Mədəniyyət və Turizm Nazirliyinin rayonlardakı əməkdaşlarının sayının ciddi şəkildə azaldılması planlaşdırılır. Mənbənin məlumatına görə, büdcə xərclərinin azaldılmasına hesablanan bu yenilik yüzlərə şəxsin işsiz qalması ilə nəticələnəcək. Bundan başqa, rayon şöbələrinin ləğv edilməsinin mədəni-maarif prosesinə də mənfi mənada təsir göstərəcəyi, əyalətlərdə mədəni aktivliyi əhəmiyyətli dərəcədə aşağı salacağı gözlənilir.
24saat.org
