Dünya
Rusiyanın məşhur rokçusu reanimasiyaya yerləşdirildi
Rusiyanın məşhur “Alisa” rok-qrupunun solisti Konstantin Kinçev infarkt diaqnozu ilə reanimasiyaya yerləşdirilib. ANS PRESS-in məlumatına görə, hazırda 58 yaşlı rokçu Sankt-Peterburqun klinikalarından birindədir.
Qrupun rəsmi “Facebook” səhifəsində yerləşdirilən məlumata görə, yaxın zamana planlaşdırılan bütün konsertlər təxirə salınıb.
Konstantin Yevgeniyeviç Kinçev (əsil soyadı Panfilov) 1958-ci ildə Moskvada doğulub. “Alisa” qrupuna gəlməmişdən öncə “Zolotaya seredina”, “Üçüncü fan-komanda”, “Sındırılmış ruh” və “İstirahət zonası” kimi az tanınan qruplarda çıxış edib.
Rusiya və SSRİ-nin ən məşhur roq-qrupu “Alisa” 1983-cü ildə Leninqradda (Sankt-Peterburq) yaradılıb. Konstantin Kinçev qrupa 1984-cü ildə gəlib.