Siyasət
Abdullahiyan: Qafqazda münaqişənin sona çatması region ölkələrinə əməkdaşlıq üçün tarixi fürsət verib
Cənubi Qafqazda münaqişənin sona çatması region ölkələrinə sülhün və əməkdaşlığın təşviqi istiqamətində çalışmaq üçün tarixi fürsət verib.
“Report” İRNA-ya istinadla xəbər verir ki, bunu İranın xarici işlər naziri Hüseyn Əmir Abdullahiyan Tehranda “3+3” formatının nazirlər səviyyəsində keçirilən birinci görüşündə deyib.
“Biz inanırıq ki, bu gün bütün ölkələrimiz üçün tarixi fürsətdir. Cənubi Qafqazda müharibə başa çatıb və Qafqazda sülh, əməkdaşlıq və inkişafın vaxtı çatıb”, – deyə iranlı nazir vurğulayıb.
O bildirib ki, “3+3” formatında görüşün əsas məqsədi regiondankənar oyunçuların müdaxiləsi olmadan region ölkələrinin birbaşa iştirakı ilə mövcud problemləri həll etməkdir.
Mənbə:Report