Donald Trampın ABŞ dövlət katibi təyin etdiyi Reks Tillerson «ExxonMobil»in baş direktorluğundan istefa verir.
Bu barədə şirkətin yaydığı rəsmi məlumatda bildirilir.
Tillerson nəhəng neft şirkəti «ExxonMobil»də 41 ildir işləyirdi və mühəndislikdən Direktorlar Şurasının sədri postuna qədər yüksəlmişdi.
Onun yerinə kimin gələcəyi də bəllidir. Gələn il yanvarın 1-dən Tillersonun şirkətdəki vəzifəsini Darren Vuds icra edəcək.