Avropa Parlamenti Azərbaycanla əməkdaşlığı məcburi olmayan yenidən qiymətləndirməyə çağırır
EN| RU 2023 2022 2021 2020 2019 2018 2017 2016 2015 2014 2013 2012 2011 2010 2009 2008 2007 2006 2005 2004 2003 2002 2001 2000 1999 1998 1997 1996 1995 1994 1993 1992 1991 HƏR YERDƏ AXTAR Siyasət İqtisadiyyat Maliyyə Enerqetika Analitika İcmallar (Bazarların icmalı, İqtisadiyyat icmalı, Siyasi monitorinqi) Mövqe (Müsahibə, Deməyə sözüm var, ÇƏTİN SUAL, Tanımalı Azərilər) Cəmiyyət (Cəmiyyət, Mədəniyyət, Dünyada) Multimedia (Foto sessiyalar, Aktual reportaj, Tanimali Azərilər) VƏ YA İFADƏ
eurotopics.net
Siyasət
2023 Oktyab 05 ( Cümə axşamı ) 15:19:45
Bakı/05.10.23/Turan: Avropa Parlamenti (AP) bu gün Strasburqda toplanıb və Avropa İttifaqını (Aİ) keçmiş Dağlıq Qarabağda davam edən hadisələrə cavab olaraq Azərbaycana qarşı sanksiyalar tətbiq etməyə çağıran məcburi qüvvəsi olmayan qətnamə üzrə səsvermə keçirib. Bu qətnamədə həmçinin Azərbaycanla əməkdaşlığın yenidən qiymətləndirilməsi və Azərbaycan qazının idxalından asılılığın azaldılması çağırışı yer alır.
491 deputat tərəfindən dəstəklənən, doqquz nəfərin əleyhinə səs verdiyi, 36 nəfərin bitərəf qaldığı qətnamədə keçmiş Dağlıq Qarabağdakı vəziyyətin ciddiliyi vurğulanır və Avropa Parlamentinin qətiyyətli mesajına işarə edilir. Bu cür qətnamələr hüquqi cəhətdən məcburi qüvvəyə malik olmasa da, ciddi siyasi əhəmiyyətə malikdir və çox vaxt digər Avropa institutlarının qəbul etdiyi qərarlara təsir edir.
Bundan başqa, Avropa Parlamentinin deputatları Aİ-nin xarici siyasət üzrə Ali Nümayəndəsini Azərbaycan keçmiş Dağlıq Qarabağda erməni əhalinin hüquqlarına hörmətə və təhlükəsizliyinə əsl sədaqət nümayiş etdirənə qədər bu ölkə ilə tərəfdaşlıq haqqında sazişin yenilənməsinə dair danışıqları dayandırmağa çağırıblar. Ciddi irəliləyiş olmadığı təqdirdə Avropa Parlamenti Aİ üzvü olan dövlətlərə viza rejiminin sadələşdirilməsi haqqında sazişlərin etibarlılığını dayandırmaq və Azərbaycanla müxtəlif sahələrdə əməkdaşlığı məhdudlaşdırmaq mümkünlüyünü nəzərdən keçirməyi təklif edir.
Enerji problemlərinə toxunulan qətnamədə Aİ üçün “Azərbaycan qazından asılılığı azaltmaq” və Bakı və Ermənistan arasında gərginlik artdığı təqdirdə Azərbaycandan “neft və qaz idxalını tamamilə dayandırmaq” zərurəti vurğulanır.
Bundan başqa, qətnamə Aİ-nin üzərinə keçmiş Dağlıq Qarabağda yaşayan ermənilərin təhlükəsizliyinə beynəlxalq zəmanətin təmin edilməsi üzərində fəal şəkildə işləmək öhdəliyi qoyur. Onda həmçinin humanitar yardımın həcminin xeyli artırılması ilə birlikdə regiona tam humanitar çıxışı bərpa etmək çağırışı yer alır. Bundan başqa, Avropa Parlamenti BMT-nin keçmiş Dağlıq Qarabağa ilk missiyasının təşkilindən məyusluğunu bildirir və regionda BMT-nin nəzarəti altında beynəlxalq iştirakın bərqərar edilməsinin tərəfdarı olduğunu bildirir.
Qətnamədə Avropa Komissiyası və Aİ diplomatiyasının rəhbəri Jozep Borrel guya Avropa Parlamentinin keçmiş Dağlıq Qarabağda vəziyyətin pisləşməsi ilə bağlı xəbərdarlığa məhəl qoymadıqlarına görə tənqid edilir. Avropa Parlamenti Aİ-nin diplomatik çərçivələrinin və Cənubi Qafqaz regionunda təhlükəsizlik çərçivələrinin dərhal yenidən nəzərdən keçirilməsində israr edir.
Nəhayət, qətnamədə Azərbaycanın üzərinə böyük yük qoyulur, keçmiş Dağlıq Qarabağ sakinlərinin təhlükəsizliyinə və rifahına görə onun məsuliyyəti vurğulanır. Sənəddə Azərbaycan hakimiyyətinə ermənilərin keçmiş Dağlıq Qarabağa təhlükəsiz qayıtmasına şərait yaratmaq və regionda saxlanılan bütün ermənilərin, o cümlədən siyasətçiləri azad etmək çağırışı yer alır.
Bu qətnamə məcburi hüquqi qüvvəyə malik olmasa da, Avropa Parlamentinin keçmiş Dağlıq Qarabağ münaqişəsi ilə bağlı mövqeyinin göstəricisidir və gələcəkdə Aİ və Azərbaycan arasında münasibətlər üçün nəticələri ola bilər.
Contact.az
