Loading...
Loading...
İqtisadiyyat

Azərbaycandan Ukraynaya turist axını 67% artıb

2021-ci ilin ilk altı ayı ərzində Ukraynaya 1 424 471 əcnəbi səfər edib. Bu isə 2020-ci ilin birinci yarısı (2 milyon nəfər) ilə müqayisədə 31%, karantindən əvvəlki 2019-cu ilin analoji dövrü (təxminən 6 milyon nəfər) ilə müqayisədə 75% azdır, lakin 2020-ci ilin ikinci yarısı ilə müqayisədə 9% çoxdur.

Bu barədə Ukraynanın Turizm İnkişafı Dövlət Agentliyinin (TİDA) mətbuat xidməti məlumat yayıb.

Qeyd olunub ki, 2021-ci ilin birinci yarısında turist axınındakı artım dinamikası əsasən Səudiyyə Ərəbistanı (40 dəfə), ABŞ (+69,6%), Azərbaycan (+67%), Ermənistan (+100%) və Gürcüstan (+40%) kimi ölkələrdən gələnlərin sayəsində olub.

TİDA Ukraynaya gələn əcnəbilərin 70%-nin avropalılar (2020-ci ilə nisbətən 10% az), 24%-nin Asiya regionu təmsilçiləri (8% çox), 2,8%-nin Şimali Amerikadan, 1,7%-nin isə Afrikadan gələnlər olduğunu açıqlayıb.

Digər tərəfdən, ukraynalıların özləri ilin ilk yarısında ötən illə müqayisədə 15% daha çox xaricə səyahət ediblər. Ümumilikdə 5,7 milyon vətəndaş səfərə çıxıb. Ən populyar istiqamətlər Türkiyə (774 min nəfər) və Misir (705 min nəfər) olub.

report

Instagram

Mənbə
“24 saat”

Gözdən qaçırmayın:  Müharibə buğda bazarını da vurdu - Tarixi bahalaşma

This site uses Akismet to reduce spam. Learn how your comment data is processed.

Back to top button