Siyasət
Azərbaycan müdafiə nazirinin müavinləri Gürcüstana gedib, hərbi əməkdaşlığı müzakirə ediblər
Azərbaycan Müdafiə Nazirliyinin nümayəndə heyəti Gürcüstana səfərə gedib.
“Report”un yerli bürosu xəbər verir ki, nümayəndə heyətinə müdafiə nazirinin müavini – Baş direktor Aqil Qurbanov, müdafiə nazirinin müavini – Hərbi Hava Qüvvələri komandanı general-leytenant Ramiz Tahirov və digər rəsmilər daxildir.
Onlar Gürcüstan müdafiə nazirinin müavini Giorgi Xaindrava ilə görüşüb.
Görüşdə iki ölkə arasında hərbi sahədə əməkdaşlığın perspektivləri müzakirə olunub.
Mənbə:Report