Fevralın 19-da Ankarada Prezident İlham Əliyevin və Prezident Rəcəb Tayyib Ərdoğanın iştirakı ilə Azərbaycan-Türkiyə sənədlərinin imzalanması mərasimi keçirilib.

Toplum TV xəbər verir ki, imzalanan sənədlərdən biri Türkiyə-Azərbaycan Universitetinin yaradılmasına dair Anlaşma Memorandumudur.  

İki ölkə həmçinin baytarlıq sahəsində əməkdaşlıq haqqında sazişi imzalayıblar. 

Saytların yığılması

Azərbaycan və Türkiyə arasında gəlirlərə görə vergilərə münasibətdə ikiqat vergitutmanın aradan qaldırılması və vergidən yayınmanın qarşısının alınması haqqında da saziş də imzalanıb.  

İlham Əliyev Rəcəb Tayyib Ərdoğan ilə birgə mətbuat konfransı zamanı bildirib ki, Türkiyənin ordu modeli Azərbaycanda artıq tam oturuşub. Prezidentin sözlərinə görə, İkinci Qarabağ müharibəsi və ötən ilin sentyabrında keçirilən antiterror tədbirləri bunu bir daha sübut edib. 

Öz növbəsində Rəcəb Tayyib Ərdoğan isə Azərbaycan xalqına 6 fevral 2023-cü ildə baş verən zəlzələlər zamanı göstərdiyi həmrəyliyə görə təşəkkür edib. 

Türkiyə Prezidenti həmçinin diqqətə çatdırıb ki, Türk Dövlətləri Təşkilatının növbədənkənar zirvə görüşü bu ilin iyul ayında Şuşada keçiriləcək.