“Azərbaycan və Ermənistan arasında silahlanma yarışı davam edəcək”
Azad İsazadə: “Nə qədər ki, Qarabağ problemi həll edilməyib, bunun qarşısını almaq mümkünsüzdür”
Tanınmş hərbi ekspert Azad İsazadə 24saat.org-a açıqlamasında Azərbaycan və Ermənistan arasındakı silahlanma yarışı, bu yarışı sitimullaşdıran amilləri şərh edib. Ekspertin sözlərinə görə, Qarabağ probleminin hələ də öz həllini tapmaması münaqişə tərəflərini sürətli silahlanmaya sövq edir:
“Azərbaycan və Ermənistan arasındakı silahlanma yarışı bundan sonra da davam edəcək. Çünki bu silahlanmaya səbəb olan başlıca məsələ – Qarabağ problemi hələ də öz həllini tapmayıb. Bu isə hər iki münaqişə tərəfini yeni silahlar almağa, öz hərbi arsenalını genişləndirməyə vadar edir.
Silahlanma yarışının qarşısını almaq üçün Qarabağ probleminin həllinə nail olmaq zəruridir. Nə qədər ki, bu problem öz həllini tapmayıb, silahlanma prosesi də davam edəcək”.
Seymur Əliyev
