Siyasət
Azərbaycan və Ermənistan nümayəndələri arasında görüş olacaq
Bu gün, yanvarın 31-də Azərbaycan və Ermənistan arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın növbəti iclasının keçirilməsi nəzərdə tutulur.
Toplum TV xəbər verir ki, bu barədə Ermənistan baş nazirinin müavini Mqer Qriqoryanın ofisi məlumat yayıb.
Bildirilir ki, iclasda komissiyanın əsasnaməsi də müzakirə olunacaq.
Həmçinin qeyd olunub ki, sayca 6-cı olan iclasda üçüncü tərəfin iştirakı planlaşdırılmır.
Komissiyaya Azərbaycan tərəfdən Baş nazirinin müavini Şahin Mustafayev, Ermənistan tərəfdən isə M.Qriqoryan sədrlik edir.
Komissiyanın bundan əvvəlki iclası ötən il noyabrın 30-da Azərbaycan-Ermənistan sərhədində keçirilmişdi.