Azərbaycan və Tacikistan arasında strateji tərəfdaşlıq haqqında bəyannamə imzalanıb
Bu gün Bakıda Azərbaycan prezidenti İlham Əliyev və Tacikistan prezidenti Emoməli Rəhmonun danışıqlarının yekunları ilə bağlı sənədlər paketi imzalanıb.
Əsasən Azərbaycanla Tacikistan arasında strateji tərəfdaşlıq haqqında bəyannamə imzalanıb.
Həmçinin ətraf mühitin mühafizəsi sahəsində əməkdaşlıq haqqında anlaşma memorandumu, miqrasiya sahəsində əməkdaşlığa dair saziş, informasiyanın texniki mühafizəsi sahəsində əməkdaşlıq haqqında saziş imzalanıb.
Tərəflər məhkəmə aktlarının və digər orqanların aktlarının icrası sahəsində əməkdaşlıq haqqında memorandum imzalayıblar.
Bundan əlavə, Azərbaycan Rəqəmsal İnkişaf və Nəqliyyat Nazirliyi ilə Tacikistan Sənaye və Yeni Texnologiyalar Nazirliyi, həmçinin ekologiya qurumları arasnda anlaşma memorandumları imzalanıb.
