Bakıdakı velosiped zolaqlarında sədlər quraşdırılacaq
Bakının mərkəzi hissələrindəki küçə və prospektlərə çəkilmiş velosiped zolaqlarının kənarlarına təhlükəsizlik sədləri quraşdırılacaq.
Toplum TV “Trend” agentliyinə istinadən xəbər verir ki, bu barədə yanvarın 8-də Azərbaycan Yerüstü Nəqliyyat Agentliyindən (AYNA) bildirilib.
Məlumata görə, bu təhlükəsizlik sədləri velosipedçilərin təhlükəsizliyinin təmin edilməsi üçün qurum tərəfindən quraşdırılacaq.
AYNA tərəfindən Bakı şəhərində velosiped yollarının salınması istiqamətində hazırlanmış layihənin icrasına ötən ay başlanılıb.
Məlumata görə, layihənin ilkin mərhələsi Bakı şəhərinin əsasən mərkəzi hissələrini – İstiqlaliyyət küçəsi, Azərbaycan prospekti, Mirzəağa Əliyev küçəsi, Bülbül prospekti, Fikrət Əmirov küçəsi və Bulvar ərazisini əhatə edəcək. Mərhələli şəkildə digər küçələrdə də bu tip velosiped zolaqları salınaraq davamlılıq təmin ediləcək.