Dünyanın böyük bir hissəsi nəzərlərini ABŞ prezident seçkilərinə dikdiyi bir məqamda, beynəlxalq səviyyədə əhəmiyyətli təsirləri ola biləcək digər bir yarış müşahidəçilərin diqqətini cəlb edir. Söhbət Birləşmiş Millətlər Təşkilatına növbəti rəhbərin kim olacağından və bu mövqe uğrunda cərəyan edən rəqabətdən gedir.

Çərşənbə axşamı BMT Baş Assambleyası 70 ildə ilk dəfə olaraq namizədlərlə üç günlük icitmai dinləməni ictimaiyyətə açıq elan edib.

Namizədlərdən dördü BMT-nin ilk qadın baş katibi ola bilər. Onların sırasına hazırda BMT-nin inkişaf proqramının başçısı yeni-zellandiyalı Helen Klark və təşkilatın mədəniyyət agentliyinə rəhbərlik edən bolqarıstanlı İrina Bukova daxildir.

Saytların yığılması

Dekabrda BMT-nin Qaçqımlar üzrə Agentliyinin rəhbərliyindən istefa edən Anonio Quterres də namizədlər sırasındadır.

Nominasiya prosesi hələ də açıqdır. Müsahibə mərhələsi bitdikdə 15 üzv ölkədən ibarət BMT Təhlükəsizlik Şurası namizədlərin mandatlarını nəzərdən keçirəcək və finalisti seçəcək. Daha sonra bu finalistin adı təsdiqlənmək üçün Baş Assambleyasına göndəriləcək.

Qalibin noyabrda təsdiq olunacağı gözlənilir. Həmin şəxs cənubi koreyalı Ban Ki-Munu 2017-ci ilin yanvarın 1-də əvəzləyəcək.

Saytların yığılması