Siyasət
Bu gün Xankəndi stadionunda futbol matçı keçiriləcək
Bu gün Xankəndi şəhər stadionunda Azərbaycan kubokunun tarixi oyunu keçiriləcək.
Toplum TV xəbər verir ki, turnirin 1/8 final mərhələsində “Qarabağ” klubu MOİK-lə qarşılaşacaq.
Xankəndi şəhər stadionunda baş tutacaq görüş saat 14:00-da başlayacaq.
Bu, 30 illik fasilədən sonra Qarabağın işğaldan azad edilmiş hissəsində ilk rəsmi oyun olacaq. Sonuncu dəfə Qarabağda futbol matçı 1993-cü ilin mayında Ağdamın “İmarət” stadionunda “Qarabağ”la “Turan” (Tovuz) arasında olub.
Bu oyundan 2 ay sonra Ağdam işğal edilib.
Qeyd edək ki, Xankəndi şəhər stadionu təzəlikcə təmirdən sonra istismara verilib.
