'Call of Duty: Modern Warfare II'nin ilk gameplay videosu sərgilənib (VİDEO)
Keçirilmiş Summer Game Fest 2022 adlı online tədbir çərçivəsində Activision Blizzard şirkəti hazırlanan “Call of Duty: Modern Warfare II” oyununun ilk gameplay videosunu sərgiləyib. Sərgilənmiş gameplay videosu oyunun süjet xəttini əhatə edən missiyalardan birinə aiddir. Qeyd etmək lazımdır ki, “Call of Duty: Modern Warfare II” bu ilin 28 oktyabr tarixində Playstation 4, Playstation 5, Xbox One, Xbox Series X, Series S konsolları və PC üçün satışa çıxacaq. Yeni oyunun süjet xətti yenidən Captain Price -ın rəhbərliyi altında olan Task 141 dəstəsinin macəraları haqqında olacaq. Məlumata əsasən bu dəfə Task 141 dəstəsi Al-Qatala adlı terrorçu qruplaşmaya və Meksikanın Las Alamas adlı narkotik kartelinə qarşı mübarizə aparacaq. “Call of Duty: Modern Warfare II”dən əlavə olaraq bu ilin sonuna kimi “Warzone 2.0” battle royale oyunu da işıq üzü görəcək.
