Bərdə şəhəri, Gəncə küçəsi ev 50-də yaşayan Ağdam rayonundan məcburi köçkün Ziya Abbasov və Elşən Əzimovun Daxili İşlər Nazirliyinə (DİN) etdiyi müraciətlə bağlı araşdırıma aparılıb.

Bu barədə “Bizim Yol”-a DİN-in mətbuat xidmətinin şöbə müdiri Orxan Mansurzadə bildirib.

Onun sözlərinə görə, vətəndaşların müraciəti nazirliyin müvafiq qurumu və rayon prokurorluğu tərəfindən araşdırılıb: “Ziya Abbasov və Elşən Əzimovun müraciətində göstərilən xüsusatlar öz təsdiqini tapmayıb”.

Xatırladaq ki, “Bizim Yol”-a müraciət edən Z.Abbasovun sözlərinə görə, polis əməkdaşları onu təhqir edib döyüb, əmlakına zərər vurub.