Siyasət
Fransa da azərbaycanlı diplomatları "arzuolunmaz şəxs" elan edib
Azərbaycanın Parisdəki səfirliyinin iki əməkdaşı “persona-non-grata” (arzuolunmaz şəxs) elan edilib.
Toplum TV xəbər verir ki, bu barədə dekabrın 27-də Fransa Xarici İşlər Nazirliyi “X” hesabında məlumat yayıb.
Rəsmi Paris açıqlamasında Fransanın Azərbaycandakı səfirliyinin iki diplomatının arzuolunmaz şəxs elan ediməsi ilə bağlı qərarı xatırladıb. Azərbaycanın iddiaların qəti şəkildə rədd edildiyi bildirilib. Öz növbəsində Fransanın cavab tədbiri olaraq Azərbaycanın Fransadakı səfirliyinin iki əməkdaşını “persona-non-grata” (arzuolunmaz şəxs) elan etdiyi vurğulanıb.
Qeyd edək ki, dekabrın 26-da Azərbaycan Fransaya nota vermiş və Azərbaycandakı səfirliyinin iki əməkdaşının ölkəni tərk etməsi üçün 48 saat vaxt vermişdi.