Xəbərlər
Gəncədə kütləvi dava – 4 nəfər yaralandı
Gəncədə dava olub, 4 nəfər xəsarət alıb.
APA-nın qərb bürosunun verdiyi məlumata görə, bu gün axşam saatlarında Gədəbəy rayon sakini, 1970-cı il təvəllüdlü Elxan Pirverdiyev və onun bacısı, 1976-cı il təvəllüdlü Qərənfil Pirverdiyeva, ər və arvad 1955-ci il təvəllüdlü Fərman Bayramov və onun həyat yoldaşı 1962-ci il təvəllüdlü Şəfa Bayramova müxtəlif bədən xəsarətləri ilə Gəncə şəhər Təcili Tibbi Yardım xəstəxanasına yerləşdirilib.
Onlara tibbi yardım göstərilib, vəziyyətlərinin normal olduğu bildirilir. Məlumata görə, Gədəbəy sakinləri Gəncədə ər və arvadla dalaşıblar.
Faktla bağlı hüquq mühafizə orqanları tərəfindən araşdırma aparılır.
