“Haikui” tayfunu Tayvanı vurdu!
class=”mediyanet-inline-adv”>
Son 4 ildə Tayvana çatan ilk tayfun olan “Haikui” tayfunu ölkəyə böyük ziyan vurub. Qasırğanın təsirli olduğu 2 gündə 116 nəfər yaralanarkən, xüsusilə dağlıq ərazilərdə çoxlu sürüşmə baş verib.
Cənub-şərq bölgəsində güclü yağışlar səbəbindən ümumilikdə 7 min insan təxliyə edilib, 260 min ev işıqsız qalıb. Səlahiyyətlilər yaxın saatlarda bölgəyə elektrik enerjisinin veriləcəyini açıqlayıb.
Qasırğanın şiddətinin ən çox hiss olunduğu dünən cənub, şərq və daxili bölgələrdəki şəhərlərdə 1 günlük tətil elan edilib, bərə səfərləri də dayandırılıb. Tayvan Mülki Aviasiya Təşkilatından verilən açıqlamada 208 daxili, 23 beynəlxalq uçuşun təxirə salındığı qeyd edilib.
Digər tərəfdən, dünyanın ən böyük müqaviləli çip istehsalçısı olan Taiwan Semiconductor Manufacturing (TSMC), Tayvandakı obyektlərinin normal işlədiyini və tayfundan təsirlənmədiyini açıqladı.
ÇİNƏ HƏRƏKƏT
Bu gündən etibarən təsirini itirən “Haikui” qasırğası Çinə doğru irəliləyir. Qasırğanın sabah səhər saatlarında Çinin Quanqdonq və Fujian əyalətləri arasındakı Şantou şəhəri ətrafına çatacağı gözlənilir.
2023-09-04 14:06:57
Tərcümə“24 SAAT”