“Əgər bizə qarşı ərazi iddialarına son qoyulmazsa, əgər Ermənistan öz qanunvericiliyini normal qaydaya salmazsa, təbii ki, sülh müqaviləsi olmayacaq”

Toplum TV xəbər verir ki, bunu Prezident İlham Əliyev fevralın 14-də keçirilən andiçmə mərasimindəki nitqində söyləyib.

Prezident həmçinin qeyd edib ki, Azərbaycanın Ermənistan ərazisinə iddiası yoxdur, “ancaq gərək onlar da öz iddialarını geri döndərməlidirlər”. 

Saytların yığılması

“Bizdən əsassız iddialarla şantaj dili ilə danışmaq onlara baha başa gələcək və onu yəqin ki, hər kəs görür, – dövlət başçısı vurğulayıb və əlavə edib: Ermənistanın nə qədər havadarları olsa da, heç kim bizi dayandıra bilməz”.

İlham Əliyev növbədənkənar prezident seçkilərində Xankəndidə səs verməsini də xatırladıb.

“O qutuya atdığım bülleten sadəcə olaraq bülleten deyildi. Bu, erməni separatçılarının tabutuna vurulan son mismar idi”, – deyə prezident açıqlamasında vurğulayıb.