class=”mediyanet-inline-adv”>

İspaniyadakı liman işçiləri və Amerikadakı fəallar İsrailə silah aparan gəmilərin qarşısını kəsiblər.

BARSELONADA BOYKOT

Saytların yığılması

– İspaniyanın Barselona limanında çalışan işçilər birgə bəyannamə imzalayıb və “İsrailə döyüş materialları daşıyan gəmiləri yükləməmək” qərarına gəliblər. 1200 yükləmə-boşaltma işçisi adından bəyannamə verən Barselona Liman Yük Nəqliyyat Təşkilatı (OEPB), bu qərarı “müharibə bölgəsi olduğu yerdə mülki əhalini qorumaq” üçün aldıqlarını bildirib. Təşkilat tərəfindən edilən açıqlamada Qəzzada atəşkəs çağırışı, şiddətə əl atmazdan əvvəl bütün dialoq vasitələrinin sınanması lazım olduğu qeyd edilib. İspan mətbuatına açıqlama verən qurum, yükləyən işçilərin “konteynerlərdə nə olduğunu bilmək imkanının olmadığını” ifadə edərək, qeyri-hökumət təşkilatlarını İsrailə silah göndərilməsi ilə bağlı əllərində olan məlumatları paylaşmağa çağırıb.

class=”mediyanet-inline-adv”>

TAKOMADA ETİRAZ

– ABŞ-ın Vaşinqton əyalətində Fələstinə dəstək vermək istəyən yüzlərlə etirazçı İsrailə silah apardığını iddia etdikləri gəmini dayandırmaq üçün Tacoma limanına toplaşıb. MV Cape Orlando hərbi təchizat gəmisinin yük yükləməsinin qarşısını almaq üçün təxminən 300 nəfər 12 saat ərzində limanda etiraz aksiyası keçirib. Fələstin bayraqları və “İsrailə yardım yoxdur” plakatları daşıyan nümayişçilər liman yollarını bağlayıb və işçilərin gəmiyə yüklənməsinə mane olublar. Keçən həftə Kaliforniyanın Oklend limanına yanaşan Cape Orlando-da yüklənmənin qarşısını almaq üçün üç nəfər gəminin nərdivanına bağlanıb.

AZADLIQ HEYKƏLİNİ İŞĞAL ETDİLER

– ABŞ-ın Nyu-York şəhərində yüzlərlə amerikalı yəhudi fəal Azadlıq heykəlinin yerləşdiyi Azadlıq adasını işğal edərək, İsraildən atəşkəs elan etməsini və Qəzzada dinc əhaliyə qarşı “soyqırım”a son qoymasını tələb ediblər. Etirazçılar üzərində “Yəhudilər indi atəşkəs istəyir” və “Adımıza deyil” şüarları yazılmış qara köynəklər, əllərində “Bütün dünya bunu izləyir” və “Fələstinlilər azad olmalıdır” yazılı plakatlar tutublar. Nümayişi təşkil edən Yəhudi Sülhün Səsi (JVP) təşkilatından Cey Saper çıxışında deyib: “Yəhudi əcdadımız Emma Lazarusun bu abidəyə həkk olunmuş məşhur sözləri bizi azad nəfəs almaq istəyən fələstinlilərə dəstək üçün hərəkətə keçməyə məcbur edir. Qəzza.” Azadlıq heykəlinin postamentində yəhudi şairi Emma Lazarusun Amerikaya köçənlər üçün yazdığı “Yeni Koloss” şeiri var.