İsrail İslam Universitetini bombalayıb
class=”mediyanet-inline-adv”>
İsrailin Qəzzada ictimai binalara, banklara və yaşayış məntəqələrinə hücumları davam edir. İsrail ordusu HƏMAS-ın əməliyyat, siyasi və hərbi mərkəz kimi istifadə etdiyi İslam Universitetini vurduğunu açıqlayıb. İsrail ordusundan verilən açıqlamada HƏMAS-ın universiteti silah inkişaf etdirmə və hərbi kəşfiyyat təlim düşərgəsinə çevirdiyi iddia edilib.
İsrail döyüş təyyarələrinin universiteti bombalamasından sonra səmanı tüstü buludu bürüdü. Hücum nəticəsində universitet binaları yararsız hala düşüb.
Fələstin Təhsil Nazirliyi bütün beynəlxalq humanitar yardım və insan haqları təşkilatlarını öz öhdəliklərini yerinə yetirməyə və tələbələri və təhsil müəssisəsi işçilərini qorumaq üçün dərhal vəziyyətə müdaxilə etməyə çağırıb.
Fələstin Səhiyyə Nazirliyindən verilən açıqlamada İsrailin Qəzzaya 5 gündür təşkil etdiyi hücumlarda ölənlərin sayının 1055-ə, yaralı sayının isə 5184-ə yüksəldiyi bildirilib.
2023-10-11 16:42:07
Tərcümə“24 SAAT”