İlk dəfə 1971-ci ildə ABŞ-da nəşr olunan səyahət və tətil jurnalının oxucuları “Dünyanın Ən Yaxşı Mükafatı” sorğusunda Avropanın 15 Sevimli Şəhərini müəyyənləşdiriblər. Təxminən 165 min oxucu memarlıq, yemək mədəniyyəti, ümumi mədəniyyət, qonaqlıq və alış-veriş baxımından üstünlük verdiyi şəhərlərə səs verib və İstanbul 90,23 balla Avropanın ən sevimli şəhəri seçilib.

Travel and Leisure tərəfindən İstanbulla bağlı edilən şərhdə, “Türkiyə çətin bir ildən keçsə də, T+L oxucuları İstanbulu siyahının başında yerləşdirdilər. Oxuculardan biri onun “təklif etmək imkanı çox olan gözəl şəhər” olduğunu, digəri isə “bütün büdcələrə uyğun şəhər” olduğunu söylədi”. İstanbulun ən məşhur yerləri arasında Kapalıçarşı, Boğaziçi və Sultanahmet Meydanı olub. Siyahıya digər şəhərlər İtaliyadan Florensiya və Roma, Praqa, Barselona, ​​Edinburq, Bordo və Vyana isə siyahının sevimli şəhərləri arasında yer alıb. İstanbul 2023-cü ilin dünyanın 25 sevimli şəhəri siyahısına daxil olub və oxucuların da səsverməsi ilə 8-ci yerdə qərarlaşıb.

Saytların yığılması