“Kolin” firmasının inşaatçılarının olduğu avtobusun qəzaya uğraması barədə
Bakı/07.02.22 Fevralın 6-da Xocavənd rayonunda Füzuli-Şuşa yolunda “Kolin” şirkətinin inşaatçılarının olduğu avtobus yol-nəqliyyat qəzası törədib. Avtobusda olan 22 nəfər xəsarət alıb, Daxili İşlər Nazirliyindən bildiriblər.
Xəsarət alanlar xəstəxanaya yerləşdirilib, onlardan 16 nəfəri Bakıya gətirilib.
11 nəfər Türkiyə vətəndaşıdır, iki nəfərin vəziyyəti ağırdır. Qalanları Füzuli rayon xəstəxanasına yerləşdirilib, bu barədə bazar ertəsi Səhiyyə Nazirliyi məlumat verib.
“Kolin” şirkətində şərh verməkdən imtina ediblər.
Öz növbəsində, Avtomobil Nəqliyyatı Agentliyi bildirib ki, ilkin məlumata görə, qəzaya sürücünün idarəetməni itirməsi səbəb olub. Hadisə tikilməkdə olan yolda tunellərdən birinə dönüşdə baş verib.
Türkiyənin “Kolin” şirkəti Azərbaycanın işğaldan azad edilmiş ərazilərində infrastruktur layihələrinin həyata keçirilməsilə məşğul olan böyük tikinti şirkətidir. Əsasən yollar, tunellər, körpülər inşa edir. -02B-
Turan
“24 saat”
