Liviyada ölənlərin sayı 6 minə yüksəldi
class=”mediyanet-inline-adv”>
Liviyanın şərqində, Derna, Benqazi, Sousse, Əl-Mərc və Baydada təsirli olan “Daniel” qasırğasının yaratdığı sel fəlakəti nəticəsində ölənlərin sayı artır. Liviya Milli Birlik Hökumətindən verilən açıqlamada seldə həyatını itirənlərin sayının 6 minə yüksəldiyi bildirilib.
Liviyanın şərqindəki hökumətin verdiyi açıqlamada Dernada indiyədək 5 min 300 cəsədin tapıldığı və itki sayının iki qat artacağına dair narahatlıqların olduğu bildirilib. Açıqlamada tapılan cəsədlərin əksəriyyətinin kütləvi məzarlıqlarda basdırıldığı qeyd edilib.
Daşqın ölkədə böyük dağıntılar törədib, yaşayış massivlərini dağıdıb. Beynəlxalq Miqrasiya Təşkilatı (IOM) qasırğadan ən çox zərər çəkən Derna şəhərində 30 min insanın evsiz qaldığını açıqlayıb. Bildirilib ki, infrastrukturun da ciddi şəkildə zədələndiyi şəhərə giriş humanitar yardımın çatdırılması üçün məhdudlaşdırılıb.
2023-09-13 15:54:12
Tərcümə“24 SAAT”