İqtisadiyyat
Mərkəzi Bank dollar almaqda davam edir
Mayın 12-də növbəti valyuta hərracı keçirilib.
Azərbaycan Dövlət Neft Fondu hərraca 50 milyon ABŞ dolları çıxardığını bildirir.
Fondan verilən məlumata görə, bu vəsaitdən 9.8 milyon hərraca qatılan 8 banka, 35 milyon ABŞ dolları isə Mərkəzi Banka satılıb.
Son vaxtlar hərraca çıxarılan valyutanın böyük bir hissəsini Mərkəzi Bank alır. Müstəqil iqtisadçılar bunu xarici valyutanın hökumətin bir cibindən çıxarılıb, o birinə qoyulması kimi dəyərləndirirlər.
Nəticədə Mərkəzi Bankının valyuta ehtiyatları artmağa başlayıb. Mayın 1-də onun valyuta ehtiyatlarının 4 milyard 120 milyon dollara çatdığı açıqlanıb.
Ancaq son iki ildə Mərkəzi Bankın valyutası təqribən 4 dəfə azalıb. 2014-cü ilin ortalarında bu vəsait 15 milyard dollardan çox idi.
