class=”mediyanet-inline-adv”>

Gürcüstanda parlamentdə dava düşüb. Bu yaxınlarda ABŞ Maliyyə Nazirliyi Gürcüstanın keçmiş baş prokuroru Otar Partsxaladzeyə qarşı sanksiyalar tətbiq etdikdən sonra müxalifətdən olan deputatlar və hakim partiyanın deputatları Gürcüstan Milli Bankının Partsxaladzenin bank hesablarını dondurmamasına etiraz ediblər.
Müxalifət deputatları sözügedən insidentlə bağlı iqtidar partiyasının deputatlarını “Rusiya agentləri” adlandırsalar da, iqtidar partiyasının deputatları müxalifətdən olan deputatları “ABŞ agentləri” adlandırıblar.
Aqmaşenebeli Strategiya Partiyasının lideri Giorgi Vaşadze ilə hakim Gürcü Arzusu Partiyasının nümayəndəsi İrakli Zarkua arasında şifahi başlayan mübahisə söyüşdən sonra yumruq davasına çevrilib. Tərəflər arasında xəsarət alan olmasa da, davadan sonra müxalifət deputatları tərəfdarlarını paytaxt Tbilisidə Milli Bankın ofisi qarşısında aksiya keçirməyə çağırıblar.