Polis işçisi və FHN əməkdaşı vətəndaşı vəhşicəsinə döyüb FOTO
Cəlilabadda polis və FHN əməkdaşı rayon sakini Yusif Quliyevi vəhşicəsinə döyüblər. Ağır bədən xəsarətləri alan sakin xəstəxanaya yerləşdirilib. Bu haqda feysbuk fəalı Dəyanət Babayev məlumat yayıb. O, döyülən gəncin fotolarını da paylaşıb:
“Bu gəncin adı Quliyev Yusifdir. 21 yaşı var. Cəlilabad rayonundandır. Onu Cəlilabad rayon Polis İdarəsinin təhqiqatçısı, polis kapitanı Nəsimi Bağırov və Cəlilabad Fövqalada Hallarin Yanğından Mühafizə İdarəsinin rəisi Polkovnik-Leytinant Şahin Cəfərov vəhşicəsinə döyərək bu hala salıblar.
Hadisə bir neçə gün öncə olub və rayon prokurorluğu faktla bağlı cinayət işi başladıb. Amma həbs olunan yoxdur. Həmin şəxslər heçnə olmamış kimi öz vəzifələrində işləyirlər. Yusifi döyülmə səbəbi isə polis kapitanin qardaşı qızını sevməsidir”.
