Xəbərlər
Polisin vətəndaşı döydüyü deyilir- Qubada
Mayın 4-də Quba rayon Polis Şöbəsinin əməkdaşlarının vətəndaşı döydüyünə dair 24saat.org saytına məlumat daxil olub. Verilən məlumata görə, saat 12 radələrində Quba sakini Məmmədov Pərviz Mustafaqulu oğlu polisə aparılıb.
İddiaya görə, onu Quba Rayon Polis Şöbəsində Osmanov Murad və Orxan (soyadı bilinmir) adlı polis əməkdaşları döyüb.
Zərərçəkən faktla bağlı Quba rayon prokuroruna, Quba RPŞ-nin rəisinə və müvafiq yuxarı instansiyalara şikayətlər edib.
Vətəndaşın döyülməsinin təfərrüatı barədə araşdırma davam edir.
24saat.org