Prezidentin nümayəndəsi: Yekun sülh anlaşması elə də uzaq deyil
“Azərbaycan və Ermənistan yekun sülh anlaşmasından elə də uzaq deyil“
Toplum TV APA-ya istinadən xəbər verir ki, bunu Prezidentin xüsusi tapşırıqlar üzrə nümayəndəsi Elçin Əmirbəyov “Guardian”a müsahibəsində deyib.
Rəsmi sülh sazişi layihəsindəki beş prinsipə də toxunub.
O, “hər iki ölkənin bir-birinin ərazi bütövlüyünə, suverenliyinə və beynəlxalq tanınmış sərhədlərinin toxunulmazlığına qarşılıqlı hörmət, indi və gələcəkdə bir-birlərinə qarşı hər hansı ərazi iddialarının rədd edilməsi, gücdən istifadə və ya güc tətbiq etmək hədəsi kimi BMT-nin Nizamnaməsinə zidd olan hər hansı aktların rədd edilməsi və iki ölkənin sərhədlərinin delimitasiyası məsələsini” əhatə etdiyini qeyd edib.
“Və nəhayət, Ermənistanla Azərbaycan arasında kommunikasiya yollarının və əlaqələrin açılması da var, çünki 30 ildir münaqişə səbəbindən bizim heç bir əlaqəmiz olmayıb”, – Elçin Əmirbəyov açıqlamasında vurğulayıb.