7 fevralda keçirilmiş növbədənkənar prezident seçkilərində müstəqil namizəd olmuş Fuad Əliyev hakimiyyətdən vəzifə təklifləri gözləyir. 

Toplum TV xəbər verir ki, bu barədə o, fevralın 8-də “Yenisabah” nəşrinə açıqlamasında bildirilib. 

“Adətən, seçilmiş prezident yeni hökuməti formalaşdıran zaman seçkilərdə iştirak etmiş namizədlərə vəzifələr təklif edir. 

Saytların yığılması

Bizə hansısa təklif olunsa sözsüz ki, dəyərləndirəcəyik, amma hansı sahəyə aid olması təklifdən asılıdır. 

Əgər məndən soruşsalar ki, özünüzü hansı sahələrdə görürsünüz, təhsil, səhiyyə kimi sahələrdə fəaliyyət göstərib, xalqımıza layiqli töhfə verə bilərik”, – deyə o qeyd edib. 

Mərkəzi Seçki Komissiyasının açıqladığı seçkilərin ilkin nəticələrinə görə, Fuad Əliyev seçkilərdə 0,53 faiz səs toplamaqla 7 namizəd arasında sonuncu pillədə qərarlaşıb.

İlkin nəticələrə əsasən, hazırkı prezident İlham Əliyev səslərin 92,05% faizini qazanıb.