Dünəndən dünyanın gözü, qulağı Vilnüsdən gələn xəbərlərdədir

NATO Sammiti iyulun 11-12-də Rusiya sərhədindən təxminən 300 kilometr aralıda Vilnüsdə keçiriləcək.

Saytların yığılması

Dünən Ərdoğanın qatıldığı iclasda İsveçə NATO vizası verildiyi halda, NATO-ya üzv ölkələrin dövlət və hökumət başçıları bu gün Litvanın paytaxtında iki günlük zirvə toplantısı üçün bir araya gəlir.

Rusiyanın Ukraynaya təcavüzündən sonra dördüncü dəfə görüşən liderlər Alyansın bu günü və gələcəyini yaxından maraqlandıran qərarlar imzalayacaqlar.

2023-cü ilin ən mühüm toplantısı kimi təqdim edilən zirvənin başlamasına saatlar qalmış Rusiyadan alovlu bir hərəkət gəldi.

Britaniyanın “Teleqraf” qəzetində yer alan xəbərə görə, Moskvadan gələn təhdidlərə diqqət çəkən NATO sammitindən bir neçə saat əvvəl Rusiya Kiyevə gecə hava hücumu təşkil edib.

Ukrayna ordusu hava hücumundan müdafiə sistemlərinin İran istehsalı olan “Şahed” PUA-larını hədəflərinə çatmamış vurduğunu açıqlayıb.

Kiyev Şəhər Hərbi Administrasiyasının rəhbəri Sergey Popko Telegram-dakı paylaşımında “Düşmən bu ay ikinci dəfə Kiyevə havadan hücum edib” deyib.

Popko bildirib ki, Ukraynanın hava hücumundan müdafiə sistemləri Rusiya tərəfindən buraxılan İran istehsalı olan bütün Şahed PUA-larını hədəflərinə çatmadan vurub.

Dağıntı və ya insan tələfatı ilə bağlı hələlik rəsmi açıqlama verilməyib.

Ukrayna Hərbi Hava Qüvvələri paytaxt üzərində bir saat və daha uzun müddətə Ukraynanın şərqindəki digər bölgələrdə hava hücumu xəbərdarlığının verildiyini bildirib.

Britaniya qəzeti qeyd edib ki, hücum Litvada baş tutacaq NATO sammitinə saatlar qalmış baş verib və burada liderlər Ukraynanın bloka qoşulub-qoşulmayacağını müzakirə edəcəklər.

NATO ÖLKƏLƏRİ UKRAYNANI NECƏ DƏSTƏKLƏYİR?

Birləşmiş Ştatlar bildirir ki, müttəfiqləri Ukraynaya Amerika döyüş təyyarələri, o cümlədən F-16-lar verə bilər. Onlardan istifadə etmək üçün ukraynalı pilotlar hazırlanır.

ABŞ Ukraynaya 31 Abrams tankı göndərir. İngiltərə 14 Challenger 2, Almaniya isə 18 Leopard 2 tankı göndərdi. Digər Avropa ölkələri də onlarla tank göndərir.

Strykers və Bradleys kimi zirehli döyüş maşınları da göndərildi. ABŞ və Böyük Britaniya da Ukraynaya Himars kimi raket sistemləri göndərib.