Siyasət
Putin və Erdoğan Soçidə regional məsələləri müzakirə edəcəklər
Bakı/29.09.21 Türkiyə prezidenti Recep Tayyip Erdoğan çərşənbə günü Rusiya prezidenti ilə görüşmək üçün Soçiyə gedib. Səfər zamanı prezidenti Milli Kəşfiyyat Təşkilatının (MİT) rəhbəri Hakan Fidan, Prezident Administrasiyasının Əlaqələr İdarəsinin rəhbəri Fahrettin Altun, prezidentin mətbuat katibi İbrahim Kalın müşaiyət edirlər.
İki prezident görüşdə ikitərəfli münasibətləri, regional prosesləri, o cümlədən Suriya, Liviya və Əfqanıstandakı vəziyyəti müzakirə edəcəklər, xəbəri “Anadolu” agentliyi yayıb.
Müşahidəçilərin fikrincə, hər iki tərəf üçün əhəmiyyəti nəzərə alınmaqla, danışıqlarda Qarabağ mövzusuna da toxunulacaq. -02Â-