Cəmiyyət
Qan xərçəngindən əziyyət çəkən xanım jurnalist vəfat etdi
Xərçəng xəstəliyindən əziyyət çəkən tanınmış jurnalist Nigar İsmayılqızı vəfat edib.
Jurnalistin bacısı Aytən İsmayılovanın yaydığı məlumata görə, qan xərçəngi (kəskin leykoz) xəstəliyindən əziyyət çəkən yazıçı- jurnalist Nigar İsmayılqızı bu gün səhər dünyasını dəyişib.
İsmayılova Nigar İsmayıl qızı 1984-cü il sentyabrın 13-də Şabran şəhərində doğulub. Bakı Dövlət Universitetinin Filologiya fakültəsini bitirib. Odlar Yurdu Universitetinin Jurnalistika fakültəsində müəllim işləyib. AZTV, ATV və digər KİV-lərdə çalışıb. 2015-ci ildə Türkiyənin İstanbul şəhərinə köçüb və orada da televiziya sahəsində işləyib.
Allah rəhmət eləsin!
