Siyasət
"Qarabağ" Portuqaliyada "Braqa"nı məğlub edib
“Qarabağ” UEFA Avropa Liqasının pley-off mərhələsin ilk oyununda Portuqaliyanın “Braqa” komandası üzərində inamlı qələbə qazanıb.
Toplum TV xəbər verir ki, Qurban Qurbanovun yetirmələri qonaq olduğu oyunda rəqibini 4:2 hesabıyla məğlub edib.
“Köhlən atlar”ın qollarını Marko Yankoviç, 2 dəfə fərqlənməklə Abdullah Zubir və Olavio Juninyo vurublar.
Meydan sahiblərində 44-cü dəqiqədə Simon Banza, 90+1-ci dəqiqədə Joau Moutinyu (pen) fərqləniblər.
Tərəflər arasında cavab görüşü fevralın 22-də Tofiq Bəhramov adına Respublika stadionunda baş tutacaq.