class=”mediyanet-inline-adv”>

Tayvanın Pinqtunq bölgəsində qolf avadanlıqları istehsal edən fabrikdə gecə saatlarında yanğın baş verib. Əraziyə yanğınsöndürmə briqadası və təcili yardım maşınları göndərilib. Yanğınsöndürənlər onu söndürərkən fabrikdə partlayış baş verib. Hadisə zamanı 3-ü yanğınsöndürən olmaqla 5 nəfərin öldüyü, 100-dən çox insanın yaralandığı, 4 fabrik işçisi və 1 yanğınsöndürənlə əlaqə saxlamaq mümkün olmadığı açıqlanıb.
Tayvan lideri Tsai İnq-ven həyatını itirənlərin ailələrinə başsağlığı verib və Pinqtunqa gedəcəyini açıqlayıb. Tsai bəyan edib ki, yerli hakimiyyət orqanları yanğından zərər çəkənlərə yardım göstərmək üçün təcili əməliyyat mərkəzi yaradıb.
Yanğının səbəbi hələlik məlum olmasa da, hadisə ilə bağlı araşdırmalara başlanılıb.