Vaşinqtonda Ermənistanın hərbi təxribatlarına qarşı etiraz aksiyası keçirilib
Vaşinqtonda yaşayan azərbaycanlılar Ermənistanın Azərbaycana qarşı hərbi təxribatlarına qarşı etiraz aksiyası keçirilib.
“Report”un ABŞ bürosu xəbər verir ki, soydaşlarımız əllərində Azərbaycan və Türkiyə bayraqları, ingilis dilində şüarlar yazılmış plakatlarla Ermənistanın ABŞ-dakı səfirliyinin binasının önündə toplaşıblar.
Aksiya iştirakçıları “Qarabağ Azərbaycanındır”, “Ermənistan əsgəri Azərbaycan torpaqlarını tərk etməlisən!”, “Ermənistan müharibə cinayətkarıdır”, “Müharibəyə son” şüarları səsləndirib, Ermənistan qoşunlarının Azərbaycanın işğaldan azad olunmuş tarixi torpaqlarında çıxmasını tələb ediblər.
Şüarlarda bölgədə sülhün bərqərar olmasına əngəllər yaradan Ermənistanın dünya ictimaiyyəti tərəfindən qınanılması tələb olunub.
İki saat davam edən aksiya zamanı ABŞ polisi həmvətənlərimizin təhlükəsizliyini qoruyub. Aksiya insidentsiz başa çatıb.
Mənbə:Report
