Xankəndidə peşə təhsili müəssisəsi açılacaq
Xankəndi şəhərində peşə təhsili müəssisəsi açılacaq.
Toplum TV “Report”a istinadən xəbər verir ki, bunu dekabrın 13-də elm və təhsil naziri Emin Əmrullayev “Güclü iqtisadiyyat üçün Azərbaycanda peşə təhsilinin inkişaf yolu: gələcəyə baxış” adlı konfransdakı çıxışı zamanı deyib.
Nazir Xankəndidə Qarabağ Universiteti nəzdində açılması nəzərdə tutulan peşə məktəbinin yerinin və ilkin planlarının artıq mövcud olduğunu qeyd edib:
“Plan təsdiq olunmalıdır və bundan sonra yola çıxılacaq. Ümumilikdə azad olunan ərazilərdə peşə təhsilinin əhatə dairəsinin genişləndirilməsi planlaşdırılır”.
E.Əmrullayev həmçinin bildirib ki, azad olunan ərazilərdə 8 peşə təhsil müəssisəsi yenidən qurulacaq:
“Füzulidə yeni peşə təhsili müəssisəsinin bünövrəsi qoyulub, artıq tikintisinə də başlanılıb, iki il sonra tələbələri görəcəyik. Şuşada peşə təhsil müəssisəsinin yenidən qurulması prosesinə də start verilib”.
