2022-12-29 08:00:06
Rusiya Müdafiə Nazirliyinin əsas binasında baş tutan görüş mətbuata qapalı keçirilib. “Görüşdə Suriya böhranı, qaçqın problemi və Suriyadakı bütün terror təşkilatlarına qarşı birgə mübarizə müzakirə edilib”, – nazirliyin bəyanatında deyilir.
ÜÇLÜ FORMATDA DAVAM EDİN
Açıqlamada, “Konstruktiv atmosferdə keçən görüş nəticəsində Suriya və bölgədə sabitliyin təmin edilməsi və qorunması məqsədilə üçtərəfli görüşlərin davam etdirilməsi razılaşdırılıb”. Rusiya Müdafiə Nazirliyi də təmasların davam edəcəyini açıqlayıb. Suriyanın şimalında terror təşkilatı PKK-ya qarşı əməliyyatlar həyata keçirən Türkiyə Rusiyadan Suriya hava məkanını türk döyüş təyyarələrinin üzünə açmasını tələb edib. İclasda bununla bağlı qərarın qəbul edilib-edilmədiyi bildirilməyib.
ƏRDOĞANIN MESAJI
Prezident Rəcəb Tayyib Ərdoğan keçən həftə “Suriya-Türkiyə-Rusiya üçlüyü olaraq bir addım atmaq istəyirik. İlk növbədə kəşfiyyat təşkilatlarımız, müdafiə nazirlərimiz, xarici işlər nazirlərimiz bir araya gəlməlidir. O zaman gəlin liderlər olaraq bir araya gələk”.
Tərcümə“24 SAAT”