Sosial
İran gediş-gəlişi asanlaşdırmaq istəyir
İranın Xarici İşlər Nazirliyi Azərbaycanla sərhəd-buraxılış məntəqələrində güzəştlərin tətbiqi məsələsini araşdırır.
APA bu xəbəri İran Xarici İşlər Nazirliyinin sözçüsü Hossein Jaberi Ansari-yə istinadən yayıb.
H.Jaberi Ansari deyib ki, ötən həftə Azərbaycan və İran müştərək sərhəd-buraxılış məntəqələrinə baxış keçirib. «Hər iki tərəfdən nəzarət-buraxılış məntəqəsinin işi ilə tanış oldum və bir sıra problemlərin şahidi oldum. İranın Xarici İşlər Nazirliyi sərhəd-buraxılış məntəqələrində hər iki ölkənin vətəndaşlarının gediş-gəlişinin asanlaşdırılması, həmçinin yük daşımalarını gündəmdə saxlayır».