Avropa İttifaqı (Aİ) Xorvatiyanın Şengen vizasız səyahət zonasına daxil olmasını təsdiqləyib.
Aİ-nin Dövriyyə Prezidenti Çexiyanın daxili işlər naziri Vit Rakusan və Aİ Komissiyasının daxili işlər üzrə məsul üzvü Ylva Yohansson Aİ daxili işlər nazirlərinin görüşü zamanı mətbuata açıqlama verib.
Rakusan bildirib ki, nazirlər Xorvatiyanın Şengen zonasına daxil olmasını təsdiqləyiblər.
Avstriyanın vetosu ilə Rumıniya və Bolqarıstanın rədd edilməsinə toxunan Rakusan, “Rumıniya və Bolqarıstanın Şengen üzvü olmağa hazır olduğunu düşünürəm” dedi. ifadəsini işlətdi.
Yohansson buna görə məyus olduğunu bildirib və iki ölkə vətəndaşlarına müraciət edib.
“Siz həm də Şengen üzvü olmağa və sərbəst hərəkət etməyə layiqsiniz. Bir çox üzv dövlətlərin dəstəyini aldınız”. Yohansson iki ölkənin üzvlüyünün prioritet gündəmdə qalacağını vurğulayıb.
Son zamanlar sığınacaq müraciətlərinin xeyli artdığı Avstriya, Bolqarıstan və Rumıniya ölkəyə gələnlərin qeyri-qanuni miqrasiyasının artmasından narahatdırlar.
Şengenin genişlənməsi üçün üzv dövlətlərin yekdilliyi tələb olunur.
Çexiya, Estoniya, Macarıstan, Latviya, Litva, Malta, Polşa, Slovakiya və Sloveniya 2007-ci ildə Şengen zonasına qoşulub. 2008-ci ildə Aİ-nin üzvü olmayan İsveçrə də daxil edilib.
Xorvatiyanın qoşulması ilə 27 ölkənin üzv olduğu Şengen zonasına 60-dan çox ölkənin vətəndaşları vizasız gedə bilər. 100-dən çox ölkənin vətəndaşlarından viza tələb olunur. (AA)
Tərcümə“24 SAAT”
