ABŞ-ın İran üzrə xüsusi nümayəndəsi Bakı, Tbilisi və Yerevanda danışıqlar aparıb
ABŞ-ın İran üzrə xüsusi nümayəndəsi Abram Peyli Cənubi Qafqaz paytaxtlarında regional səfərdə olub.
O, Bakı, Tbilisi və Yerevanda yüksək vəzifəli məmurlarla görüşlər keçirib və danışıqlar aparıb, İrana qarşı sanksiyaları müzakirə edib.
Peyli səfərin yekunlarına dair X platformasındakı hesabında belə yazıb: “Cənubi Qafqaza konstruktiv bir səfər idi. İran rejimini, sanksiyaları və bu rejimin sabitliyi pozan hərəkətlərinin aradan qaldırılması səylərini müzakirə etmək üçün yüksək vəzifəli məmurlar və özəl sektorun nümayəndələri ilə görüşdüm”.
Qeyd edək ki, o, Bakıda prezidentin xarici siyasət məsələləri üzrə köməkçisi Hikmət Hacıyev, xarici işlər nazirinin müavini Samir Şərifov, Azərbaycanın İrandakı səfiri Əli Əlizadə və İsrailin Azərbaycandakı səfiri Corc Diklə görüşüb.
